МОНГОЛ УЛСЫН ТӨРИЙН АЛБАНЫ ЗӨВЛӨЛ, ЁС ЗҮЙН ХОРОО КАНАДЫН “КАТАЛИСТЕ ПЛАС” БАЙГУУЛЛАГЫН МОНГОЛ ДАХЬ ТӨЛӨӨЛӨГЧИЙН ГАЗРЫН СУУРИН ТӨЛӨӨЛӨГЧИЙГ ХҮЛЭЭН АВЧ УУЛЗЛАА
2025 оны 05 дугаар сарын 05-ны өдөр Монгол Улсын Төрийн албаны зөвлөлийн дарга Л.Цэдэвсүрэн, Ёс зүйн хорооны дарга Ц.Амартөгс нар Канад Улсад төвтэй “Каталисте Плас” байгууллагын суурин төлөөлөгч Жениффер Адамс, хүний нөөцийн ахлах зөвлөх Мишель Карлсон болон “Канад-Монголын Мерит” төслийн багийн төлөөллийг хүлээн авч уулзлаа.
Уулзалтын үеэр 2025-2030 онд хэрэгжих, “Канад-Монголын Мерит” төслийн хүрээнд хамтын ажиллагааг эхлүүлэх, хамтран ажиллах боломжуудын талаар санал солилцов. Тус төсөл нь хүний эрх, ёс зүйг дээдэлсэн, хүртээмжтэй төрийн албаны шинэчлэлийг бэхжүүлэхэд дэмжлэг үзүүлэх зорилготой юм.
Мөн уулзалтын үеэр төрийн албан хаагчийн ёс зүйн сургагч багш бэлтгэх, цахим сургалт зохион байгуулах, орон нутгийг чадавхжуулах зэрэг чиглэлд хамтран ажиллах боломжуудыг хэлэлцсэн бөгөөд талууд илүү ойр, үр дүнтэй хамтын ажиллагаа хэрэгжүүлэхийн чухлыг онцлон тэмдэглэлээ. Талуудын энэхүү уулзалт нь Монгол Улсад иргэн төвтэй, хариуцлагатай, ёс зүйтэй төрийн албыг төлөвшүүлэхэд чиглэсэн цаашдын хамтын ажиллагаанд чухал нөлөө үзүүлэх уулзалт боллоо.
ЁС ЗҮЙН ХОРОО
Уг нийтлэлийн бүх текстүүдийг хуулах
Уг нийтлэлийн бүх зургийг татах
