2025 онд Улсын хэмжээнд төрийн төв болон нутгийн удирдлагын байгууллагын дэргэдэх 253 ёс зүйн дэд хороонд 520 гомдол, мэдээлэл ирснээс 53 сахилгын, зөрчлийн, гэмт хэргийн шинжтэй байсан тул шилжүүлжээ. Ёс зүйн дэд хорооны дүгнэлтээр 195 (41.8%) тогтоогдож, 252 (54.0%) тогтоогдоогүй, 14 (3.0%) гомдлоо буцаан авсан, 4 (0.9%) дүгнэлтийг эс зөвшөөрч харьяалах дээд шатны байгууллагын дэд хороонд гомдол гаргасан.

Гомдол, мэдээллийг хүлээн авсан байдал: Иргэнээс 242 (51.8%), төрийн албан хаагчаас 181 (38.8%) ирүүлж, дотоод хяналт, шалгалтаар 44 (9.4%) илрүүлсэн.

Байршил: Аймагт 193 (41.3%), нийслэлд 274 (58.7%) бүртгэгдсэн. 

Төрийн албан хаагчийн ангилал, төрөл: Төрийн улс төрийн 11 (2.4%), төрийн захиргааны 223 (47.8%), төрийн тусгай 102 (21.8%), төрийн үйлчилгээний 131 (28.1%), удирдах 80 (17.1%), гүйцэтгэх 381 (81.6%), туслах 6 (1.3%) холбогдсон.

Хүйс: Эрэгтэй 161 (34.5%), эмэгтэй 306 (65.5%). /Төрийн алба хаагчдын 64.3 хувь нь эмэгтэй./   

Гомдол, мэдээллийн агуулга: Зан харилцаа, үг, үйлдлээрээ хүний эрхийг зөрчсөн, албан үүрэгтээ хариуцлагагүй хандсан, ялгаварлан гадуурхсан, олон нийтэд манлайлал үзүүлээгүй, жагсаалд оролцохыг уриалсан, удирдлагын итгэлийг дааж ажиллаагүй хэм хэмжээг зөрчсөн. 

Ёс зүйн зөрчил тогтоогдоогүй: Ёс бус үг хэлсэн, албаны чиг үүрэгт үл тохирох шаардлага тавьсан, ажил хэрэгч саналыг үл хайхарсан /ажлын байрны дарамт үзүүлсэн/ , худал мэдээлэл тараасан, хувийн эмзэг мэдээллийг бусдад тараасан гомдол, мэдээлэл байсан.

Хуульд заасан ёс зүйн нийтлэг шаардлага зөрчсөн гэж дүгнэлт гаргасан: Нийтлэг үүргийг 115 (59.0%), хориглох үйл ажиллагааг 80 (41.0%) зөрчсөн.  Иргэний хүсэлтэд хариу өгөөгүй 43 (22.1%), хувцаслалтын шаардлагыг баримтлаагүй 3 (1.5%),  ёс бус үг хэрэглэсэн 36 (18.5%), ажил хэрэгч саналыг хайхраагүй 22 (11.3%), сурч боловсрох эрх, хууль ёсны ашиг сонирхлыг хязгаарласан 5 (2.6%), албаны нэрийг хувийн зорилгоор ашигласан 6 (3.1%), бусдыг өдөөн турхирсан 27 (13.8%), улс төрийн үйл ажиллагаанд оролцсон 3 (1.5%), эмзэг  мэдээллээр бусдыг гутаасан 23 (11.8%),  удирдлагын шийдвэр гаргалтад саад учруулсан 5 (2.6%), ялгавартай хандсан 1 (0.5%), согтууруулах ундаа 21 (10.8%) хэрэглэсэн байна.  

Ёс зүйн хариуцлага хүлээлгэсэн: Зөрчил гаргасан нь тогтоогдсон 195 төрийн албан хаагчийн 133 (68.2%) томилох эрх бүхий албан тушаалтны шийдвэрээр, 34 (31.8%)  албан хаагч нь ёс зүйн хариуцлагыг сайн дураараа хүлээсэн. Төрийн албан хаагчийн ёс зүйн тухай хуулийн 16, 17 дугаар зүйлд заасны дагуу “гомдол гаргагчид, эсхүл хамт олон, олон нийтийн өмнө уучлалт гуйхыг үүрэг болгох” 31 (15.9%), “өөрт нь ганцаарчилсан хэлбэрээр сануулах” 64 (32.8%), “байгууллагын албан хаагчдын өмнө нээлттэй сануулах” 31 (15.9%), “Төрийн албаны тухай хуульд заасны дагуу төрийн албанаас халах” 7 (3.6%), ёс зүйн хариуцлагыг сайн дураараа хүлээн зөвшөөрч “хамт олноос, гомдол, мэдээлэл гаргагчаас, эсхүл олон нийтийн өмнө уучлалт гуйх” 56 (28.7%), “өөрийн хүсэлтээрээ албан тушаалаас чөлөөлөгдөх хүсэлт гаргасан” 6 (3.1%) албан хаагч ёс зүйн хариуцлага хүлээсэн.  

Ёс зүйн зөрчлийн шийдвэрлэлтийн хугацаа: Дэд хороо Нийт 467 гомдол, мэдээллээс 389 (83.3%) дунджаар 33 хоног буюу хуулийн хугацаанд шийдвэрлэсэн байна. Харин 78 (16.7%) гомдол, мэдээллийг 45 болон түүнээс дээш хоногт, хугацаа хэтрүүлэн шийдвэрлэсэн холбогдох байгууллагаас тайлбар, мэдээлэл авах хүсэлт хүргүүлсэн боловч ирүүлээгүй, хянан шалгах албан хаагчид захиргааны чөлөөтэй, ээлжийн амралтын хугацаандаа хариуцсан ажлаа хүлээлгэн өгөөгүй зэрэг шалтгаан нөхцөл нөлөөлжээ.  

Ажилласан туршлага: Ёс зүйн зөрчил гаргасан албан хаагчдын ажилласан туршлагыг үзэхэд дунджаар төрийн байгууллагад 12,7 жил байна. 

2024 онд ёс зүйн зөрчил гаргасан албан хаагчдын 274 буюу 87.3%-д томилох эрх бүхий албан тушаалтан хариуцлага хүлээлгэж, 40 буюу 12.7% нь сайн дураараа хариуцлага хүлээсэн бол 2025 онд томилох эрх бүхий албан тушаалтан 133 буюу 68.2%, сайн дураараа ёс зүйн хариуцлага хүлээх 62 буюу 31.8%  болж өссөн нь дэд хороодын үйл ажиллагаа тогтворжиж, албан хаагчид ёс зүйн зөрчил гаргаснаа ухамсарлаж ёс зүйн хариуцлагаа сайн дураараа хүлээсэн байна.  

Мэдээлэл, дүн шинжилгээний хэлтэс