ЭРҮҮЛ МЭНДИЙН ХӨГЖЛИЙН ТӨВИЙН АЛБА ХААГЧДАД ТӨРИЙН АЛБАН ХААГЧИЙН ЁС ЗҮЙН ХУУЛЬ ТОГТООМЖИЙН ХЭРЭГЖИЛТИЙН ТАЛААР СУРГАЛТ ЗОХИОН БАЙГУУЛЛАА

     Эрүүл мэндийн хөгжлийн төвийн Ёс зүйн дэд хорооноос “Дэлхийн эмч нарын өдөр”-ийн хүрээнд “Төрийн албан хаагчийн ёс зүй - Эрүүл мэнд” сэдэвт сургалтыг 2025 оны 04 дүгээр сарын 02-ны өдөр зохион байгууллаа.

     “Төрийн албан хаагчийн ёс зүйн тухай хууль тогтоомжийн хэрэгжилт, Ёс зүй ба  Эрүүл мэнд” сэдвээр Монгол Улсын Ёс зүйн хорооны гишүүн, АУ-ны доктор, дэд профессор, Хууль зүйн ухааны магистр М.Цэрэнбатыг сургалтыг удирдан явуулж, “Ёс зүйн дэд хорооны ажиллах журам”, Бүртгэл хяналтын системийн талаар Ёс зүйн хорооны ажлын албаны Дэд хороо хариуцсан ахлах мэргэжилтэн Д.Мөнхжин мэдээлэл, арга зүйн дэмжлэг үзүүлэн ажиллав.

     Энэхүү сургалтаар төрийн албаны ёс зүйн орчин үеийн хандлага, ёс суртахууны үндсэн суурь болох хүн чанар, байгууллагын соёлын өөрчлөлтөөр дамжуулан ёс зүйг хэрхэн дэмжих зэрэг арга замуудыг танилцууллаа. Сургалтад Эрүүл мэндийн хөгжлийн төвийн 40 гаруй албан хаагч, ёс зүйн дэд хорооны гишүүд хамрагдав.    

ЁС ЗҮЙН ХОРОО