ЭДИЙН ЗАСАГ, ХӨГЖЛИЙН ЯАМНЫ АЛБА ХААГЧДАД ТӨРИЙН АЛБАН ХААГЧИЙН ЁС ЗҮЙН ХУУЛЬ ТОГТООМЖИЙН ХЭРЭГЖИЛТИЙН ТАЛААР СУРГАЛТ ЗОХИОН БАЙГУУЛЛАА

     Ёс зүйн хорооноос Эдийн засаг, хөгжлийн яамны алба хаагч, Ёс зүйн дэд хорооны гишүүдэд 2025 оны 03 дугаар сарын 27-ны өдөр Төрийн албан хаагчийн ёс зүйн тухай хууль, “Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр”-ийн хэрэгжилтийг байгууллага болон салбартаа хэрэгжүүлэх хүрээнд сургалт зохион байгууллаа.

     Сургалтыг “Төрийн албан хаагчийн ёс зүйн тухай хууль тогтоомжийн хэрэгжилт” сэдвээр Ёс зүйн хорооны Ажлын албаны Соён гэгээрүүлэх хэлтсийн дарга Ц.Заяхүү удирдан явуулж, Ёс зүйн дэд хорооны чиг үүрэг, Ёс зүйн зөрчлөөс урьдчилан сэргийлэх, соён гэгээрүүлэх үйл ажиллагааг төлөвлөн зохион байгуулах, “Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр”-ийн хэрэгжилтийг хангуулах талаар тус хорооны Ажлын албаны референт З.Соёлмаа, Ахлах мэргэжилтэн Д.Мөнхжин нар мэдээлэл хийж, зөвлөн туслаж ажиллав. Сургалтад 31 төрийн албан хаагч хамрагдсан байна.

ЁС ЗҮЙН ХОРООНЫ АЖЛЫН АЛБА